На ден пред натпреварот, Ракометната федерација на Хрватска објави неколку правила за однесувањето на навивачите кои ќе дојдат да ги бодрат своите репрезентации на натпреварите во Вараждин, Загреб и Пореч.
Во салите е забрането внесување на пиротехнички средства, оружје и тврди предмети, храна и пиење, професионална опрема за снимање, транспаренти, знамиња и други предмети кои поттикнуваат насилство, омраза или содржат политички пораки.
Тоа официјално значи дека македонските навивачи ќе може да го веат само официјалното знаме на Македонија, не и тоа со сонцето од Кутлеш.
Но и на претходните првенства постоеле такви правила, па Македонците успеале да навиваат со нашето старо знаме. Останува да се види колку ќе бидат строги Хрватите во применување на правилата.
