Несреќата се случила околу 18 часот по локално време. Екипажот бил на тренажна мисија, објави воздухопловната база Елсворт. Во времето на несреќата видливоста била лоша, а температурата ниска.
Б-1 е конвенционален суперсоничен бомбардер кој делумно користи таканаречена стелт технологија, која драстично му го намалува радарскиот одраз и го прави делумно „невидлив“. За првпат влезе во служба во 1980-тите. Беше користен во азиско-пацифичкиот регион за спроведување на американските операции во Авганистан.
САД во 1994 ги повлекоа Б-1 од потенцијалните нуклеарни мисии. Иако американските воздухопловни сили не трошеа понатамошни средства за одржување на нуклеарните капацитети, Б-1 се сметаше за тежок бомбардер опремен за нуклеарно вооружување сè до 2007.
Изворно ги имало 100, но сега ги има помалку од 60 во служба во воздухопловните бази Дајс во Тексас и Елсворт во Јужна Дакота.
