Се реконструира внатрешноста на училиштето, целосна обнова и молерисување на sидовите, реконструкција и поставување нов под, промена на ракофатот за побезбедно движење на учениците низ училишната зграда и поставување ПВЦ профили за поголема енергетска ефикасност на приземниот кат во внатрешноста.
Со завршување на оваа инвестиција, реконструкцијата на фасадата, новото спортско игралиште и новиот атриум кој се наоѓа во задниот дел на училишната зграда, завршува еден важен инвестициски циклус со кој „Браќа Миладиновци“ станува модерно училиште според меѓународните ИБ стандарди, соопштува Општина Аеродром од каде ветуваат дека училиштата на нивн територија новата учебна година ќе ја започнат подготвени.
