„Ковачевски повторно пробува да глуми дека ништо не знае, додека истовремено, секој ден сѐ повеќе се интензивираат притисоците врз Таравари, а вчера беа сменети и двајца директори на оваа партија.
Не знае ни за физичкото насилство врз членовите на Алијанса за Албанците, не знае ни за куршумот пред домот на Таравари, а денеска не ја знаел ни причината за смената на двајцата директори.
Ковачевски две години помина во незнаење и ништо, премолчување на криминалните бизниси на ДУИ и освен што стана приврзок на ДУИ, со друго нема што да се пофали.
Светски феномен е и партија која има 13 пратеници, да добие премиерско место, но ете се случи и тоа.
Сѐ поголем е стравот од пораз на СДС и ДУИ, како се ближат изборите, каде граѓаните ќе ги пратат во историјата, но и пред лицето на правдата“, се вели во партиската реакција.
