„Работната група која ќе треба да го подготви новиот Изброрен законик ќе се формира во најкус можен рок. Министерството за правда смета дека во нејзината работа треба да учествува и ВМРО ДПМНЕ“, се вели во соопштението од минисгтерството.
Минатата недела министерот за правда Кренар Лога изјави дека контактирал и со претседателот на ВМРО-ДПМНЕ, Христијан Мицкоски и со координаторот на пратеничката група на партијата, Никола Мицевски за да предложат свои експерти кои ќе работат на измени на Изборниот законик.
„Верувам дека ВМРО-ДПМНЕ ќе биде дел од работната група затоа што има прашања кои треба да бидат решени особено препораките на ОБСЕ/ОДИХР. Верувам дека ВМРО-ДПМНЕ ќе најде храброст за ова затоа што не ни се потребни уште десет години изолација. Јас предложив дури и претседателот на работната група да биде од ВМРО-ДПМНЕ. За сега одговор немам. Ќе чекаме до наредната недела да се изјаснат што ќе прават“, рече тогаш Лога.
Министерот кој доаѓа од Алијанса за Албанците тогаш се изјасни дека не е за Македонија како една изборна единица, тукуј за формирање на осум изборни единици наместо досегашните шест. Од ВМРО-ДПМНЕ таквата изјава за осум изборни единици беше оценета како неприфатлива.
Фото: Министерство за правда
