„Оглас за вработување на над 500 луѓе, во само една институција и тоа на само еден месец од формирањето техничката влада, е ништо друго, туку класичен обид за вработување на партиски војници, каде платите за овие објавени позиции се движат од 30 до 60 илјади денари.
Ако на народот веќе не му е јасно, зошто ги немаме почнато преговорите за влез во ЕУ, еве ова е еден класичен пример, како и со вакви потези на корупција и криминал се урива кредибилитетот на државата.
Оваа власт, на чело со ДУИ и СДС, по катастрофалниот пораз на изборите, ќе бидат запаметени, како најголем кочничар на Македонија, на патот кон ЕУ“, соопшти ВМРО-ДПМНЕ.
