сабота, 19 октомври 2024

Владата се залага за зголемување на сите плати во државата, уверува Министерството за финансии

Објавено на

часот

Сподели

„Во однос на барањето на дел од даночните работници за раст на платите, истакнуваме дека Владата се залага за систем за раст на платите во целиот јавен сектор. Преку Економско социјалниот совет, заедно со социјалните партнери, веќе се работи на утврдување на систем за плати на сите вработени во јавниот сектор. Во подговка е нов Закон за  плати на вработените во јавниот сектор и нов Општ колективен договор за јавниот сектор, кој во иднина ќе овозможи континуиран раст на платите. Во услови кога се очекува да се воспостави вакво системско решение, а за кое се водат веќе разговори во Економско-социјалниот совет, секое поединечно решение, пред финализирање на овие два акта, ќе биде нарушување на воспоставувањето на таквиот систем и постигнување на крајната цел“, се вели во соопштението од МФ.

Целта на Владата, како што се посочува, е да се воспостави воедначено, системско решение кое ќе биде фискално одржливо на долг рок и кое соодветно ќе го валоризира трудот на работниците.

Од МФ очекуваат преговорите во ЕСС да продолжат и наскоро заеднички да се дојде до одржливо решение прифатливо за сите страни. 

ТОП ВЕСТИ

ПОСЛЕДНИ ВЕСТИ