вторник, 5 март 2024

Владата одобри „црната листа“ на САД да биде дел од Законот за рестриктивни мерки

Министерот за надворешни работи, Бујар Османи преку својот Фејсбук профил соопшти дека Владата на денешната седница ги одобрила измените на Законот за рестриктивни мерки, со кои, како што вели, американските и британските листи стануваат основа за санкционирање и од нашите институции.

Објавено на

часот

Сподели

Шефот на дипломатијата Османи минатата недела на брифинг со медиумите информира дека Министерството за надворешни работи почнува јавна расправа по однос на измените на Законот за рестриктивни мерки кои што имаат за цел проширување на опфатот на овие рестриктивни мерки, како и инструментите коишто се на располагање на државата во услови на воведени рестриктивни мерки.

„Согласно сегашното решение, Законот за рестриктивни мерки ги регулира прашањата на воведување, изменување и престанување на важењето на рестриктивните мерки, како и механизмите на координација и надзор на примената на истите, како основи за воведување рестриктивни мерки во сегашното решение се – задолжителни обврзувачки резолуции на Советот за безбедност на Обединети нации, правни акти на ЕУ, други меѓународни организации во кој членува земјата и на барање на надлежни органи на други држави за прашања на тероризмот и пролиферација на оружјето“, истакна Османи во изјава за медиуми по брифингот со новинарите.

Тоа што го предлагаме со овие измени на Законот на оваа јавна дебата, додаде Османи, е да се додадат како основ за воведување на рестриктивни мерки од страна на државата и правните акти на САД и правните акти на Обединетото Кралство, што значи покрај Совет за безбедност, Европска Унија, сега и правните акти на САД и Обединетото Кралство се валидна основа за воведување рестриктивни мерки.

„Како инструменти што ги има државата при воведување рестриктивни мерки се покрај ембарго за оружје, забрана за влез во Северна Македонија за граѓани коишто не се државјани на Република Северна Македонија, се разбира и финансиски мерки вклучувајќи конфискација на имот, меѓутоа се проширува Законот со уште еден опфат, а тоа е прво, од целите на Законот освен меѓународната безбедност, демократијата, се воведува и корупцијата, злоупотреба на службената должност и хибридните закани кон државата како цели коишто сакаме да ги постигнеме со измените на Законот за рестриктивни мерки, а се додаваат два важни инструменти, откако се задолжува институцијата предлагач да ги достави сите докази – материјални, нематеријални до Јавното обвинителство, а ЈО законски се обврзува веднаш да почне постапка, кривична постапка, вклучувајќи и конфискација на имот, и доколку заврши таа истрага со подигнување на обвинение тогаш се воведуваат два нови инструменти, а тоа е времено престанување на вршење на јавна функција и забрана за учество во процесот на јавни набавки се до правосилна судска одлука“, појасни Османи.

МКД.мк денеска објави дека на Македонија не ѝ треба „црната листа“ на САД за да гони висока корупција.

Најавата за измени на Законот за рестриктивни мерки е голем пораз за македонскиот правосуден систем и упад во него, вели адвокатот Јанаки Митровски по најавата на вицепремиерката Славица Грковска, но и на министерот за надворешни работи Бујар Османи, дека таканаречената „црна листа“ на Соединетите Американски Држави ќе стaне дел од македонското законодвство според кое во иднина Обвинителството ќе мора да поведе истрага доколку некој македонски граѓанин или фирма бидат ставени на американската „црна листа“. Според него, државата и досега можела да гони висок криминал. Механизми има, но нема волја, вели тој.

ТОП ВЕСТИ

ПОСЛЕДНИ ВЕСТИ