Железничката пруга долга 427 километри би ги поврзувала пограничната покраина Лао Цаи, главниот град Ханој, пристаништето Хаифонг и Ха Лонг Сити со кинеската покраина Јунман, јави државната Виетнамска новинска агенција (ВНА). Ханој настојува да ја модернизира железничката мрежа и планира да изгради брза железничка линија долж целата земја и врска кон Кина, најголемиот трговски партнер.
Управата за железница му доставила на министерството за сообраќај план за изградба за да добие дозвола, јави ВНА. Почетокот на изградбата се очекува во 2030 година, се наведува во соопштението, а до средината на векот по таа железничка врска би требало да патуваат 8,3 милиони патници и 17,5 милиони метрички тони товар.
Виетнам побарал од Кина помош во технологија и финансирање на плановите за изградба на железнички врски. Двете земји веќе ги поврзуваат систем од автомати и две стари железнички линии кои треба да се модернизираат на виетнамската страна.
На седницата која почнува следната недела виетнамскиот парламент би требало да одобри план за изградба на брза железничка пруга од Ханој до бизнис центарот Хо Ши Мин Сирим вреден 67 милијарди долари, пишува Ројтерс.
