сабота, 22 јуни 2024

Видевски, осомничен за грабнувањето на Вања и Панче останува во притвор, одлучи Врховен

Врховниот суд денеска ја одбил како неоснована жалбата на Боре Видевски, еден од осомничените за убиството на Вања Ѓорчевска и Панче Жежовски. Видевски, во жалбата барал притворот да му биде заменет со домашен притвор.

Објавено на

часот

Сподели

„Врховниот суд, ја известува јавноста дека по одржаната јавна седница на ден 29 мај 2024 година по повод жалбата од обвинетиот Б.В. во предметот познат во јавноста како ‘Убиството на Вања Ѓорчевска’, изјавена преку неговиот бранител Бојан Манев, против решението на Апелациониот суд Скопје КСЖ- 417/24 од 30.04.2024 година, Советот за казниви дела донесе решение ВКЖ1-23/24 од 29 мај 2024 година, со кое жалбата е одбиена како неоснована и обжаленото решение во целост е потврдено“, соопшти Врховниот суд.

Видевски денеска негирал дека бил инволвиран во грабнувањето и убиството на 14-годишната Вања Ѓорчевска и 74-годишниот Панче Жежовски.

„Обвинетиот во исказ пред Јавното обвинителство целосно го негираше постоењето на двете кривични дела и на убиството на Панче Жежовски и на убиството на девојчето во Скопје и по направениот увид во Јавното обвинителство ќе доставиме соодветни докази кои ќе го потврдат неговото тврдење“, изјавил за Телма бранителот на Видевски, Бојан Манев по денешната јавна седница во Врховниот суд.

Видевски барал да му се определи куќен притвор со образложение дека не може да бега од државата затоа што нема пасош, а не може ниту да влијае на сведоци, ниту да попречува истрага, ниту, пак, да го повтори кривичното дело.

Боре Видевски е еден од петтемина осомничени, од кои тројца се товарат за соизвршителство во тешките кривични дела две грабнувања и две убиства на свиреп начин, еден за помагање при грабнување малолетно лице и еден за помагање по извршено кривично дело. Првоосомничен за убиството на Вања и Панче е Љупчо Палевски-Палчо, кој на 15 мај беше екстадиран во земјава од Турција. 

ТОП ВЕСТИ

ПОСЛЕДНИ ВЕСТИ