Неговиот пост на фејсбук го пренесуваме во целост:
Најдлабоко сочувство до семејството на Вања.
По она што се случи, тешко е човек да верува дека на овој свет сме дојдени за убавината, за добрината, за љубовта. А јас секаде така пишувам. Демантиран сум од грозното лице на најсуровата стварност!
Ѕверот излегува од човекот и влегува секаде: капиларно, по пат на осмоза го има во медиумите, социјалните мрежи, собранијата, плоштадите, банките, дури и на улица, меѓу случајните минувачи.
Драги мои, како мото на мојата книга раскази „Припитомување на кучката“ напишав мисла од Ава Антониј Египетски: „Ќе дојде време кога луѓето ќе полудат, и кога ќе видат некој кој не е како нив, ќе му речат – ти си луд, ти не си како нас“.
Времето е дојдено. Времето на пресметката со злото. Ве молам, секој од нас нека го држи ѕверот што го носи во себе во сигурен кафез. Ве молам: најдлабоко молкнете во виолетова тага за Вања, а од молкот излезете со желба да му се спротивставите на злото. Зашто кој денес со рамнодушност гледа на злото, наскоро ќе почне и да му се радува, и да го прави.
Ваш Венко
