Како што пренесува „Гардијан“, полицијата на социјалните мрежи објави фотографија од малку познатиот поранешен дипломат со натпис „се бара“ под неа.
Гонзалес побегна во Шпанија во септември, откако Мадуро прогласи победа на изборите на 28 јули и започна остра пресметка со дисидентите. Гонзалес (75) вети дека ќе се врати во својата земја погодена од криза за да положи заклетва како претседател на 10 јануари на местото на Мадуро, кој тој ден треба да положи заклетва за нов мандат.
Gravísimo. El grupo terrorista de Nicolas Maduro anuncia una recompensa de 100.000 USD por la captura del presidente electo de Venezuela, Edmundo González Urrutia.
Es momento para que los países de América ACTÚEN. pic.twitter.com/P9D3Z0ItzS
— Agustín Antonetti (@agusantonetti) January 2, 2025
Судските власти изјавија за АФП дека плакати со ликот на Гонзалес ќе бидат поставени на аеродромите и полициските контролни пунктови низ целата земја.
Шпанија му даде азил на Гонзалес на 20 декември, откако Венецуела против него поднесе обвинение за заговор и рекет. Венецуела го прогласи Мадуро за победник на третиот шестгодишен мандат на изборите во јули, но опозицијата тврди дека има детални податоци од избирачките места кои покажуваат дека Гонзалес убедливо победил.
Владата одби силен притисок од дома и од странство да ги објави резултатите од гласањето што ќе го потврди нејзиното тврдење за победа. По изборите на улиците избија протести кои прераснаа во судири со полицијата, при што загинаа 28 лица, 200 беа повредени, а повеќе од 2.400 лица беа уапсени. Тројца од уапсените починаа во затвор, додека речиси 1.400 од првично уапсените биле ослободени.
Мадуро беше личен избор на починатиот социјалистички лидер Хуго Чавез за наследник по неговата смрт во 2013 година. За време на Мадуро, земјата богата со нафта падна во економска пропаст, а тој е обвинет дека се однесува како строго лево ориентиран диктатор задушувајќи го несогласувањето и одржувајќи се на власт.
Само неколку земји, вклучително и сојузникот на Венецуела, Русија, го признаа Мадуро за победник на изборите во јули. Соединетите Американски Држави и Европскиот парламент го признаа Гонзалес како „новоизбран претседател“.
