Венецот на Сиљановска пред плочата на Свети Кирил и Методиј без име на државата
Објавено на
часот
Сподели
„Претседателката Сиљановска Давкова ја посети и базиликата Санта Марија Маџоре, каде положи венец на спомен–плочата на македонски јазик во чест на делото на Светите браќа Кирил и Методиј“, соопштија од кабинетот на претседателката.
Сиљановска Давкова ја предводеше државно-црковната делегација во посета на Рим и Ватикан, по повод честувањето на 24 Мај, Денот на сесловенските просветители.
На ова реагираше претседавачката на Централниот одбор на СДСМ и министерка за одбрана Славјанка Петровска.
„Прво го избришаа името Македонија од статутот, а сега престанаа да го користат и во официјална комуникација. Македонија за нив нема име, нашата држава. Школски пример за газење на идентитет е да не го спомнуваш името на државата”, напиша Петровска на својот фејсбук-профил.
