Иако жалат за пропуштената победа на дуелот со Шведска, македонските ракометари сепак не го загубија позитивниот дух што ги краси како колектив. На последниот тренинг пред дуелот со Германија владееше весела атмосфера, ракометарите работеа разни тактички варијанти и во нападот и во одбраната, а медицинскиот тим ги рехабилитираше тие што се жалеа на ситни болки здобиени од ударите на мечот со Шведска.
