четврток, 23 мај 2024

Ванковска: Не сакам Македонија да биде ничиј геополитички плен

Јас себе би сакала да се видам како народен претседател, кој ќе ги претставува сите граѓани. Некој мора да има храброст да каже дека овој Устав што го имаме е крпен, долепен, со најголем број на уставни амандмани, во толку кус период. По настаните во 2001 година, преку уставни реформи се модифицираше политичкиот систем. Со тој упад, ние практично го трансформиравме оној првично замислен либерален, демократски Устав, ‘Ние Народот’, ‘Ние Нацијата’, во ‘Ние, етничките заедници’. И од тука натаму, всушност почнува една сериозна деформација на политичкиот систем. Наm ни треба сосема нов Устав. Прашањето е само дали има политичка волја. Ова го изјави професорката Билјана Ванковска, претседателска кандидатка, во интервју за телевизија Телма.

Објавено на

часот

Сподели

„Не можам да најдам оправдание за етнотрибализам, за етничка сеграгација, за картели на елити кои одлучуваат зад затворени врати за нас. Дури и за формирање на влади се договараат за амнестија на воени злосторства или за некакви отстапки. Тоа не е начин на кој се гради една нација“, рече таа.

Таа смета дека треба ние да си донесеме Устав, а не странците да ни го наметнуваат.

„Рамковниот договор беше напишан на англиски. Беше напишан од странски експерти. Преспанскиот договор да не потсетувам, беше наместен. Јас сум да имаме релации со сите, вклучувајќи го и Брисел, затоа што таму најмногу сме инвестирале од нашиот политички капацитет, реформи и слично. Ние сме мала држава, која мора да соработува со сите, за сè она што е во нејзин интерес“, вели Ванковска.

Според неа, ЕУ, за жал, се милитаризира.

„Ние не можеме да веруваме дека ЕУ е трајно нешто. Таа се менува. Во Германија, јавноста веќе притиска за излегување од ЕУ. Јас сум за трезвено гледање на работите. ЕУ менторството е во ред, но не да бидат владетели во оваа држава. НАТО го ветуваа како економска бонаца, ќе бидеме безбедна дестинација… Само за овие неколку години, за воена опрема и оружје имаме потрошено повеќе од 34 пати во сума, во пари, за да покажеме колку сме лојални, притоа одземајќи од социјалните потреби на граѓаните. Нашата алтернатива е воена неутралност. Јас не сакам Македонија да биде ничиј геополитички плен“, изјави таа.

ТОП ВЕСТИ

ПОСЛЕДНИ ВЕСТИ