петок, 1 март 2024
Изјава на шефот на дипломатијата

Уставната измена по барање на Бугарија е едноставна, доаѓа по една запирка во преамбулата, вели Османи

Објавено на

часот

Сподели

                                                                                                     Фото: Разговор со поглед кон Скопје

Османи со новинарското прашање всушност требаше да прецизира во врска со одредени изјави кои доаѓаат од Бугарија, според кои Бугарите треба да бидат впишани како македонски Бугари во Уставот. Дали таа опција е прифатлива?. 

„Тука сакам да се надоврзам на тоа дека имаше одредени шпекулации дека бугарскиот министер за надворешни работи Николај Милков во НАТО барал од мене да бидат дел од комисијата. Сакам и тоа да го расчистам бидејќи немав прилика. Тоа што Милков ми го кажа на церемонијата за подигање на финското знаме, беше дека наводно слушнале шпекулации и дека ние сме презентирале на одредени држави формулации за уставните измени бидејќи сакаат и тие да бидат информирани исто така, за да нема недоразбирање. Тоа беше неговиот коментар, на што јас му одговорив дека прво, не е точно дека некому сме презентирале затоа што комисијата се уште не е состаната. Второ, дека не може да има недоразбирање, затоа што точно во Протоколот стои како ќе изгледаат уставните измени, и во кои делови од Уставот. Таму пишува точно каде што се спомнати останатите етнички заедници, после запирката пред други, треба да се впишат и заедниците кои ќе бидат додадени – Хрвати, Бугари, исто како и останатите, не може да има разлика од тоа како се впишани другите. И, трето, дека ќе има јавна дебата за тоа, па сите ќе бидат подеднакво информирани“, рече Османи.

По однос прашањето во врска со изјавата на Милков дека нема никаков напредок околу Протоколот и учебниците и дали Бугарија наоѓа нов момент на проблематизирање, Османи рече дека не треба преку медиуми да се прават политички проценки за степенот на реализација на договорот, бидејќи, вели, и за тоа има точно предвиден механизам што прави објективна проценка на реализацијата.

„Тоа се меѓувладините комисии што се состануваат и проценуваат кога ќе дојде време за тоа. Бидејќи ако влеземе во таква политичка проценка на медиуми, мислам дека ќе ја изгубиме намерата и целта на потпишување рамка и институционализирање на односите со Бугарија“, нагласи Османи.

Тој рече дека токму поради изборната кампања во Бугарија не се појавувал во медиумите, бидејќи, нагласи, не сакал да ја внесе државава во нивните изборни ветувања и изборни препукувања, бидејќи потоа, политичарите стануваат жртва на нивните ставови.

„Немам намера заради овие важни прашања за државата да полемизирам со било кого преку микрофон. Доколку има било која забелешка ние сме тука да седнеме да разговараме. Важно е да се има добра волја во овој пристап. Ако се обидуваме на ваков начин да изнајдеме некој негативен елемент за да создадеме негативна реторика, тоа нема да не води никаде. Ние имаме позитивна агенда, имаме позитивна намера да ги подобриме односите со Бугарија, нашите позиции сме јасни, спремни сме да комуницираме во било која форма, но немаме намера да полемизираме преку јавност за овие важни прашања за нас“, нагласи Османи.

ТОП ВЕСТИ

ПОСЛЕДНИ ВЕСТИ