четврток, 22 февруари 2024

„Успешен тест“: Северна Кореја објави дека тестирала нова ракета

Северна Кореја соопшти дека тестирала нова ракета со среден дострел на цврсто гориво со хиперсонична боева глава, во обид да создаде помоќно оружје дизајнирано да погодува далечни цели во регионот и што е потешко да се детектира.

Фото: ЕПА

Објавено на

часот

Сподели

Севернокорејските државни медиуми го објавија соопштението еден ден откако јужнокорејската и јапонската војска забележаа лансирање од локација во близина на севернокорејската престолнина Пјонгјанг.

Лансирањето следува два месеци откако Северна Кореја соопшти дека успешно тестирала мотори за нова балистичка ракета со среден дострел на цврсто гориво во обид да го надгради својот арсенал насочен кон американските воени бази во Гуам и Јапонија, според АП.

Официјалната севернокорејска централна новинска агенција соопшти дека лансирањето во неделата било со цел да се потврди веродостојноста на моторот на ракетата на цврсто гориво и маневрирањето на хиперсоничната боева глава.

Според соопштението, тестот бил успешен, но не се соопштуваат други детали. Исто така, не беше наведено дали севернокорејскиот лидер Ким Џонг Ун присуствувал на лансирањето.

ТОП ВЕСТИ

ПОСЛЕДНИ ВЕСТИ