четврток, 23 мај 2024

Заради митинзите во недела во Скопје уште од утре вечерта посебен сообраќаен режим

Поради предизборни политички митинзи закажани за во недела во центарот на Скопје, сообраќајната полиција уште од утре вечер ќе спроведува посебен сообраќаен режим со затворање на улици.

Објавено на

часот

Сподели

Поради одржување митинг од изборната кампања за претседателските избори 2024 година на 21 април (недела) во 13.00 часот пред седиштето на Европската унија на ул.Св. Кирил и Методиј во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на оваа улица почнувајќи од 19 часот на 20 април (сабота) до  21.00 часот на 21 април (недела)“, соопштуваат денеска од МВР.

Притоа, за сообраќај ќе биде затворена ул.Св.Кирил и Методиј на потегот од крстосница со булевар Кочо Рацин до крстосница со булевар Св. Климент Охридски.

Исто така, на 21 април во 20 часот на плоштад „Македонија“ во Скопје ќе се одржи  митинг од изборната кампања за претседателските избори 2024 година.

Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.

За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните.

ТОП ВЕСТИ

ПОСЛЕДНИ ВЕСТИ