Овој наслов беше најавен уште во мај 2024 година со планирано издание во ноември истата година. Меѓутоа, откако Стар ворс аутлос продаде помалку од очекуваното и го обвини проблематичното лансирање, програмерите одлучија да го одложат Шедоус за февруари 2025 година.
Во соопштението до инвеститорите, студиото изјави дека ја научиле лекцијата и дека морале да обезбедат дополнително време за дополнително да ја полираат играта.
Убисофт најави ново одложување на почетокот на јануари, па љубителите на овој наслов можат да го очекуваат дури на 20 март.
„Од ноември, ние сме воодушевени што го споделуваме нашиот напредок преку демо снимки за играње, секоја недела ни носи вредни повратни информации од нашата заедница. Иако веќе направивме значителни чекори, веруваме дека ни требаат уште неколку недели за да ја имплементираме оваа повратна информација и да обезбедиме уште поамбициозно и поинтересно искуство на првиот ден“, нагласува Убисофт, посочувајќи дека оваа игра ќе одлучи за судбината на целата компанија.
Минатата година, Убисофт се соочи со критики за „кукавичко извинување“ откако воведувањето на „првиот јапонски црн самурај“ предизвика контроверзии околу историската точност, и покрај тврдењата од водечките експерти дека нема сомнеж за статусот самурај на Јасуке.
Исто така, објавено е дека студиото планира да објави 10 игри од серијата Асасинс Крид во следните пет години.
