Двајца руски војници, Александар Бобикин и Александар Иванов, признаа вина за „прекршување на правилата на војната“ и утрово се појавија на суд.
Тие се обвинети за гранатирање на цивилни области во Украина со ракетите ГРАД.
Друг руски војник, 21-годишниот Вадим Шишимарин, вчера, на првото судење за воени злосторства во Украина од почетокот на руската инвазија, призна вина за убиство на невооружен цивил.
Тој призна дека откако добил наредба, пукал во 62-годишен невооружен маж неколку дена по почетокот на инвазијата. Му се заканува доживотен затвор.
