Прекините на струја се зголемија низ Флорида додека ураганот Милтон се движи кон внатрешноста – речиси 2,8 милиони домови и деловни објекти низ Флорида се без струја, според паураутиџ.ус.
Најголеми прекини на струја се забележани во округот Сарасота. Округот Хилсборо имаше најмногу прекини на струја во 2 часот по полноќ по локално време, со 510.000 корисници во мрак. Во околните окрузи, помеѓу 80 и 97% од корисници останаа без струја, вклучувајќи ги окрузите Сарасота, Манате и Харди.
Прекините ќе продолжат да се зголемуваат бидејќи силните ветрови на Милтон се движат кон источниот брег на Флорида.
#hurricanemilton2024: Friends, your prayers for Florida are very important. May all people receive security and assistance in this time of crisis. 🙏🙏
I wish the people of Milton and all of Florida’s strength and courage. #Milton #Florida #HurricanMilton #MiltonFlorida… pic.twitter.com/xFX3LpkOWM
— Niranjan Meena (@NiranjanMeena25) October 10, 2024
Канцеларијата на шерифот во Св. Луси, на источниот брег на Флорида, потврди за Би-би-си дека се пријавени повеќе смртни случаи во нивната област. „Имавме повеќе торнада кои ја погодија оваа заедница и изгубивме неколку животи“, рече шерифот на округот Сент Луси, Кит Пирсон.
Тој додаде дека полицајците користат булдожери и друга опрема во населбата Спаниш лејкс за да „пронајдат некого ако можат и да ја дадат сета помош што можат“.
Говорејќи за ВПБФ-ТВ, шерифот рече: „Ова е поразително. Не може да се опише со зборови“.
#BREAKING ‼️‼️
A devastating force hit Florida. Hurricane #Milton and its power !#miltonhurricane #Florida #Tampa #Huracan #HurricanMilton pic.twitter.com/Vb83zxCWLY
— 🌐 Short Reports 🌐 (@ShortReportOnX) October 10, 2024
Окружниот комесар додаде дека торнадата се појавиле ненадејно, пред целосно да пристигне ураганот. Тој истакна дека експертите можат да предвидат каде ураганите ќе паднат на копно, но не и каде ќе удрат торнада.
„Со торнадо, не се знае. Тоа е речиси како во кое било време и на кое било место да ви падне бомба“. Тој исто така додаде дека е предоцна за евакуација. „Ако сте дома, останете дома. Не нè терајте да дојдеме да ве земеме“.
Шерифот рече дека седиштето на канцеларијата на шерифот е уништено претходно денеска, најверојатно од торнадо, но никој не е повреден.
Сенаторот од Флорида Рик Скот изјави за Си-ен-ен дека е загрижен за жителите кои избрале да не се евакуираат, како и за безбедноста на спасувачите кои би можеле да ги ризикуваат своите животи за да им помогнат.
„Луѓето кои не се евакуираа, а требаше – не можеме да се грижиме сега за нив“, изјави Скот за Кејтлан Колинс во емисијата „Сорс“ на Си-ен-ен.
„Сега немате избор. Морате да останете, да се засолните и да се чувате. Загрижен сум за нашите спасувачи кои сакаат да излезат и да им помогнат на овие луѓе, а притоа мора да ги ризикуваат своите животи“, рече тој.
Huge crane fell into a building. St. Petersburg, FL. pic.twitter.com/YEzlSQcgTT
— Mike’s Weather Page (@tropicalupdate) October 10, 2024
Кран се урна на градилиште во Питерсбург, Флорида, но засега нема информации за повредени, се вели во соопштението на градот.
Засега не е јасно колкава штета е направена на местото на настанот.
Градот ги повика граѓаните да останат безбедни и да ја избегнуваат областа.
Cars in our hotel parking lot in Punta Gorda, FL May start floating soon. Surge still rising at 10:06 PM EST #MILTON #hurricanemilton @accuweather @theScantman pic.twitter.com/vFtiKjxMGI
— Aaron Jayjack (@aaronjayjack) October 10, 2024
Хотелски паркинг во Пунта Горда, Флорида, е поплавен, а автомобилите се делумно потопени бидејќи дождот продолжува да паѓа.
„Можам да почувствувам како водата се крева по моите нозе додека зборувам… Чувствувам дека водата сè уште доаѓа“, изјави ловецот на бури во Акуведер Арон Џејџек за Андерсон Купер од Си-ен-ен.
Невремето го поплави градот Пунта Горда во средата навечер, непосредно откако ураганот Милтон дојде на копно.
