Се претпоставува дека мнозинството од членови на УО не се задоволни од работењето на првиот човек на ФФМ, Муамед Сејдини и поради тоа бараат итна вонредна седница.
„Фудбалската федерација на Македонија ја известува јавноста дека денеска (31. октомври 2024) се пристигнати дописи до претседателот на ФФМ, Муамед Сејдини со кои дел од членовите на Управниот одбор на ФФМ бараат закажување на итна седница.
Согласно Статутот на ФФМ, претсетателот на ФФМ има обврска да свика седница во рок од 21 ден од денот на приемот на барањето за свикување на седница на Управен одбор. Во спротивно, членовите на Управниот одбор имаат право седницата да ја закажат самостојно.
Јавноста ќе биде навремно известена за понатамошните случувања“, стои во соопштението на ФФМ.
