Соопштението доаѓа еден ден откако украинскиот претседател Володимир Зеленски изјави дека Киев прави сѐ што е можно за да ги спаси своите сили на источниот фронт, особено во градот Авдиивка, каде што ситуацијата беше опишана како „критична“.
„Во градот се водат тешки борби. Нашите сили ги користат сите расположливи сили и средства за да го задржат непријателот“, напиша на социјалните мрежи Олександар Тарнавски, висок украински командант на источниот дел на земјата.
Украинските сили воспоставуваат нови одбранбени позиции околу Авдиивка, а армијата сигнализираше можно повлекување пред брановите руски напади.
„Воспоставени се нови позиции и продолжуваат да се поставуваат големи утврдувања имајќи ги предвид сите можни сценарија“, додаде командантот Тарнавски.
Тој додаде дека приоритетот на Киев е да ги заштити своите сили.
„Ние го цениме секое парче украинска територија, но најголема вредност и приоритет за нас е да го спасиме животот на секој украински војник“, рече тој, опишувајќи ја ситуацијата во Авдиивка како тешка, но под контрола.
Во тој град во регионот на Донбас опустошен од борбите, позицијата на украинските војници е сѐ понесигурна пред руските сили, кои се во офанзива од октомври.
Падот на Авдиивка би бил важна симболична победа за Русија.
