„Приближувајќи се до граничниот премин Суџа, јуришните групи на 80-та бригада побараа поддршка од артилеријата и тешките оклопни возила. Соочени со интензивната активност на украинската артилерија и гледајќи ги украинските тенкови на контролниот пункт, Русите донесоа правилна одлука – го подигнаа белото знаме и им се предадоа на украинските војници, упатувајќи се со своите ранети војници кон украинската граница“, соопшти бригадата.
На руските војници што сè уште се бореле им било советувано да го изберат животот наместо бесмислената смрт и да се предадат.
Претходно, украинските воздушно-јуришни сили споделија видео од првите часови од операцијата во областа Курск. На снимката се гледа деминирање, преминување на границата, уништување на руските одбранбени линии, воздушни и артилериски операции и заробување руски војници.
Тие нагласија дека клучни фактори во почетната фаза од операцијата биле темелната подготовка, планирањето, ефектот на изненадување, борбеноста и одржувањето информативен молк.
Според украински извори, јадрото на операцијата Курск се состои од две бригади на украинските воздушни јуришни сили, 80-та бригада Лавов и новоформираната 82-ра бригада Чернивци. Во втората недела од операцијата им се приклучил и дел од 95. воздушно-десантна бригада.
