Според руските власти, мостот во селото Кариж бил оштетен во текот на ноќта од насочено украинско „гранатирање“. Тоа беше последниот голем премин преку реката Сејм на овој дел од фронтот, откако два моста на истата река беа уништени на исток во петокот и саботата.
Украинските вооружени сили сега се подготвени да се движат напред од позициите околу заземениот град Суџа, заземен пред две недели во ненадејна офанзива. Тие се обидуваат да ги опколат руските сили, меѓу кои има и регрути, кои се заглавени јужно од реката во областа Кореневски.
ВСУ ночью ударили по третьему мосту через реку Сейм в Курской области, разбито три пролёта.
Сейчас российская группировка в этом районе полностью обеспечивается понтонными переправами, что позволяет продолжить эвакуировать мирное население. pic.twitter.com/rImGWQeHm5
— Михаил Ключинский 🇷🇺 ☭ ✯ 🇩🇪 (@mischkus1) August 19, 2024
Ако операцијата успее, Украина ќе добие уште 700 квадратни километри руска земја. Русија изгради понтонски мостови преку реката за да ги снабдува своите сили, но тие се ранливи на украинските удари од моќните американски повеќецевни ракетни фрлачи Химарс.
Вчера Киев зазеде уште две руски села Снагост и Апанасовка. Сепак, темпото на напредок кон регионот Курск е забавено во последните денови. Кремљ распореди резерви за да се обиде да ги спречи украинските единици да напредуваат понатаму.
„Ситуацијата таму е гадна“, изјави за Гардијан висок украински функционер. „Русите донесоа дополнителни сили. Некои се способни, некои не. На Русите им е исклучително тешко да ја вратат изгубената територија“, додаде тој.
Украинскиот врховен командант Олександр Сирски води „исклучително брза операција“ во Курск и неговите сили постојано се во движење, рече официјалниот претставник. Сирски сака да избегне вкоренета „позициска војна“ слична на онаа што се случува во источна Украина, рече изворот на Гардијан, додавајќи: „Тоа е ризично. Но, наративот на војната се промени. Сè е можно“.
Додека украинските сили забрзано напредуваа околу Суџа, руските трупи постојано напредуваат во источна Украина. Вчера го зазедоа градот Њујорк, таму кренаа руско знаме и го прекрстија во Новгород, објавија руски воени блогери.
Со месеци руските сили се приближуваат и до украинскиот град Покровск, освојувајќи ги околните села. Украинските бранители се повлекоа пред воздушните напади, проследени со деноноќни пешадиски напади.
Вчера воениот администратор на Покровско Серхи Добријак изјави дека борбите во самиот град ќе започнат за неполни две недели. Тој ги повика жителите да се спакуваат и да си заминат. Околу 60 отсто од нив веќе заминале, рече тој. Тој додаде дека семејствата со деца ќе бидат принудени да се евакуираат според правилата за вонредни состојби.
Во соседниот Мирноград, сега на само неколку километри од фронтот, останаа помалку од 16.000 луѓе. Затворени се банките, аптеките, продавниците и маркетите, како и сите организации и институции. Затворена е и градската болница, а само неколку лекари се грижат за ранетите.
Претстојниот руски напад врз Покровск ќе ги искомплицира обидите на Украина да го одбрани својот регион Донбас, каде што војната беснее од 2014 година. Русите се блиску до заземање на автопатот што го поврзува Покровск со голем број поголеми градови на север, вклучувајќи ги гарнизонските населби Краматорск и Славјанск.
