Кипер малку порано извести за „рускиот напад во 3 часот по полноќ“ (02:00 часот по средноевропско време). „Во Одеса имаме 18 жртви, меѓу кои четири деца. Четиринаесет лица се пренесени во градските болници, меѓу кои три деца“, рече тој, додавајќи дека спасувачките екипи се на местото на настанот.
Пред тоа, гувернерот зборуваше за „штетите на цивилната инфраструктура, станбените згради и верските институции“. „Повеќе системи за ракетна одбрана“ и тактички проектили за Украина побара шефот на претседателскиот кабинет Андриј Јермак.
Одеса, чиј историски центар е вклучен во списокот на светско наследство, редовно е цел на руски напади. Градот доживеа „пеколна ноќ“ во четвртокот, при што Киев ја обвини Москва дека ја таргетира пристанишната инфраструктура за да го спречи можното обновување на украинскиот извоз на жито. Во петокот, УНЕСКО „најостро ги осуди“ руските напади врз „неколку музеи“ кои „претрпеа штета“.
