Заплената е направена според украинскиот закон за санкции.
Саввидис „е руски претприемач со грчко потекло кој има блиски врски со руската влада и владејачката партија Единствена Русија. Тој е претседател на Федерацијата на грчките заедници на Русија, преку која се дава идеолошка поддршка за дејствата на државата агресор со глорифицирање на претседателот на државата агресор и воениот персонал кој учествува во воените операции во Украина. Наведената активност има постојан и долгорочен карактер и се спроведува од 2014 година“, се вели во соопштението на Министерството за правда.
Конфискуваниот имот ги вклучува сите акции на Пентопак, приватна акционерска компанија за пакување храна и капиталот во украинската подружница на компанијата Атлантис-Пак.
Саввидис, кој е роден во советска Грузија во 1959 година од родители грчки имигранти, беше руски пратеник од 2003 до 2011 година од партијата Единствена Русија на Владимир Путин. Тој е член на комитетот за надворешни односи кој го советува рускиот претседател.
Од 2012 година Савидис е сопственик на солунскиот фудбалски тим ПАОК.
