понеделник, 4 март 2024

Украина: Го уништивме рускиот команден центар на Крим

Украинската армија утринава извести дека во ноќен ракетен напад го уништила рускиот команден центар на аеродромот Саки на полуостровот Крим.

Епа

Објавено на

часот

Сподели

„Аеродром Саки: Сите цели се погодени“, изјави командантот на украинските воздухопловни сили, Микола Олешук, според извештаите на локалните медиуми.

Во текот на ноќта, руското Министерство за одбрана соопшти дека неговите системи за противвоздушна одбрана собориле четири украински ракети. Извештаите не можеа да бидат независно проверени.

Од инвазијата на Украина во февруари 2022 година, украинските сили вршат чести напади врз руски воени цели на Крим, кој Москва незаконски го анектираше во 2014 година.

Објектот Саки се најде на насловните страници во август минатата година кога украински ракети уништија неколку руски авиони паркирани на отворено.

Во септември оваа година, Украина го погоди седиштето на руската Црноморска флота во Севастопол со крстосувачки ракети „сторм шедоу“, испорачани од Запад.

Големиот десантен брод Новочеркаск беше потопен на 26 декември додека бил закотвен во пристаништето.

 

ТОП ВЕСТИ

ПОСЛЕДНИ ВЕСТИ