петок, 21 јуни 2024

Укината пресудата за „Tоплик-Сончев град“, предметот вратен на повторно постапување

Апелацискиот суд Скопје ги уважи жалбите на обвинетите за „Tоплик- Сончев град“, ја укина првостепената пресуда и предметот го врати пред Основниот кривичен суд Скопје на повторно постапување и одлучување.

Објавено на

часот

Сподели

Апелацискиот суд Скопје извести дека, постапувајќи по кривичниот предмет  КОКЖ-137/22, во јавноста познат како „Tоплик- Сончев град“, по одржана јавна седница на 8 јуни 2023 година, по советување и гласање на нејавен дел од седницата на 6 септември 2023 година, донесе решение со кое ги уважи жалбите на обвинетите М.Ј од С., Т.Ѓ од С., Д.Д. од С., М.Т. од С., Д.Ѓ.од С. И В.Т. од С., изјавени преку нивните бранители, ја укина првостепената пресуда и предметот го врати пред Основниот кривичен суд Скопје на повторно постапување и одлучување.

Од судот посочуваат дека вака донесената неправосилна одлука ќе биде објавена во целост на веб страницата  на судот, согласно начелниот став на општата седница на Врховниот суд на Македонија од 21 декември 2022 година.

Основниот кривичен суд во Скопје во април 2022 година го осуди на казна затвор од 3 години и 6 месеци првоосомничениот за случајот „Топлик“, поранешниот министерот за транспорт и врски Миле Јанакиески. За злоупотреба на службената положба и овластувања, обвинети се уште пет лица од Министерството за транспорт и врски, кои биле членови на Комисијата за јавни наддавања. Претседателот на комисијата Томе Ѓурчиловски доби затворска казна во траење од три години, додека останатите членови на комисијата добија условни казни затвор од две години.

Според обвинението за предметот, кој беше отворен од поранешното СЈО, првоосомничен е поранешниот министер за транспорт и врски Миле Јанакиески, кој како раководно лице во министерството, спротивно на Законот за јавни набавки составил Комисија за јавни наддавања на која ѝ наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. 

ТОП ВЕСТИ

ПОСЛЕДНИ ВЕСТИ