ПСУ „Јахја Кемал“ ја продолжува традицијата на меѓународната сцена. Олимпијадата „Genius 2023 project Olympiad“ е меѓународен натпревар за средношколски проекти за еколошки прашања. Основана е од организацијата Terra Science and Education, а домаќин е Технолошкиот институт Рочестер.
Олимпијадата „Genius 2023 project Olympiad“ ќе биде домаќин на проекти во пет општи дисциплини со фокус на животната средина. 726 проекти од повеќе од 60 различни земји и 1.100 учесници се пласираа во последниот дел од „Genius 2023 project Olympiad“. РИТ (Rochester Institute of Technology) продолжува да ја поддржува Олимпијадата „Genius 2023 project Olympiad“ преку програмата за стипендирање.
Овие учесниците и добитници на наградите на „Genius 2023 project Olympiad“ ќе имаат право на следните стипендии: Атина Рувинова, златен медал, проект „Детектор за болести со здив“ категорија Наука, стипендија од 20.000 американски долари; Каја Здравеска, бронзен медал, категорија Пишување, стипендија од 15.000 долари; Дорант Ајро и Лиси Коџаџику, бронзен медал, проект „Био-дизел и производство на био-дизел“, категорија Наука, стипендија од по 15.000 долари; Матеа Пеева, благодарница, проект „Отстранување на арсен од вода“, категорија Наука, стипендија од 14.000 долари; Марко Пејов, благодарница, проект „Иновативна синтеза на AGBIS2 фотоапсорбирачки филмови за еколошки соларни ќелии“, категорија Наука, стипендија од 14.000 долари и Верона Ајро, учесник финалист, категорија Пишување, стипендија од 12.000 долари.
Посебно внимание привлече проектот на Атина Рувинова „Детектор за болести со здив“, за кој добија препорака да го заштитат пронајдокот.
