Според фотографиите од лице место, телото на мажот кој најверојатно бил мета на сторителот или сторителите лежи на улица.
Полицијата во моментов врши увид и го обезбедува местото на настанот за кој очекуваме и официјални информации.
Ова е второ пукање во последните 24 часа. Вчера било пукано во возило во движење во кое имало две лица, од кои едниот е тешко ранет и е пренесен на натамошно лекување на скопските клиники.
Според неофицијалните и првични информации мета во вчерашниот настан било лицето Н.А. Пукањето се случило кај местото викано Агросервис. На лице место се пронајдени седум чаури.
„На 19 август 2024 година околу 20:50 часот во СВР Скопје било пријавено дека на булевар Александар Македонски од патничко возило во движење било пукано во патничко возило пасат со австриски регистарски ознаки, при што со повреди се здобило едно лице кое е пренесено во Клинички центар. Се преземаат мерки за расчистување на случајот“, соопштија вчера од МВР.Фото: МКД.мк
