вторник, 16 април 2024

Уапсени уште тројца осомничени за нападот кај Москва

Московскиот суд нареди апсење на уште тројца осомничени за кои се тврди дека се поврзани со смртоносниот терористички напад во петокот врз концертната сала Крокус сити хол кај Москва, објави прес-службата на судот.

Фото: социјални мрежи

Објавено на

часот

Сподели

Еден ден претходно, истиот суд уапси четворица мажи за кои истражителите веруваат дека го извршиле пукањето, во кое загинаа најмалку 137 луѓе, а голем број беа ранети.

Тројцата новоосомничени – Аминчон Исломов, Диловар Исломов и нивниот 62-годишен татко Исроил Исломов – се обвинети за учество во организирањето на терористичкиот акт, според рускиот Истражен комитет, пренесе ТАСС.

Во пријавата до судот споделена на каналот Телеграм, истражителите тврдат дека еден од вооружените лица, Шамсидин Фаридуни, се верува дека во јануари го регрутирал Аминчон Исломов за да ѝ се приклучи на неговата организирана терористичка група, со цел да изврши терористички акт. Најдоцна до 11 март, се смета дека тој го регрутирал и Диловар Исломов, велат истражителите, барајќи итно апсење на двајцата браќа, како и на нивниот татко.

Според руските медиуми, се верува дека Диловар Исломов бил последниот сопственик на белото рено што наводно било користено како возило за бегство од терористите како дел од нивниот план. Сепак, сѐ уште не се објавени официјални детали за тоа како тројцата роднини се поврзани со инцидентот, објави РТ.

Уапсените ќе останат во притвор најмалку до 22 мај.

Безбедносните служби за време на викендот приведоа 11 лица во врска со смртоносната престрелка.

 

ТОП ВЕСТИ

ПОСЛЕДНИ ВЕСТИ