Жената осомничена за убиство на познатиот руски воен блогер Владлен Татарски е приведена, објави во понеделникот Истражниот комитет на земјата. Дарја Трепова претходно беше ставена на руската листа на барани лица.
Татарски, чие вистинско име беше Максим Фомин, беше домаќин на средба со обожаватели во кафуле во центарот на Санкт Петербург во неделата вечерта, кога експлодираше бомба, убивајќи го него, а повредувајќи повеќе од 30 луѓе.
Сведоците рекоа дека непосредно пред експлозијата една млада жена му подарила на Татарски статуетка.
На видеата објавени на социјалните мрежи се гледаат експлозијата и ранети луѓе на улица.
The pro-Kremlin propagandist Vladlen Tatarsky has been assassinated in St. Petersburg.
A bomb was reportedly hidden in a statue in the cafe where he was organizing a meeting supporting the invasion.
— Visegrád 24 (@visegrad24) April 2, 2023
Video from the scene of St Petersburg explosion. It took place during an event featuring pro-Russian military blogger from Donbas Maksim Fomin (Vladlen Tatarsky). He is dead, according to Dva Mayora TG channel. Over a dozen people injured. pic.twitter.com/GJE2VbPL8F
— Leonid ХВ Ragozin (@leonidragozin) April 2, 2023
Руските власти соопштија дека го истражуваат нападот во центарот на вториот по големина град во Русија како „убиство што привлекува голем интерес кај јавноста“.
Руските медиуми објавија дека Трепова во минатото била апсена на антивоени протести.
Татарски беше дел од заедницата на воени блогери што се на страната на Кремљ, која доби релативно голема улога од почетокот на руската инвазија во Украина во февруари 2022 година.
Татарски е меѓу оние што отидоа толку далеку што ги критикуваа руските власти, критикувајќи ја војската, па дури и претседателот Владимир Путин, за неуспеси на бојното поле.
Воените блогери даваат информации за војната во земјата во која многумина се фрустрирани поради недостигот од точни информации од официјални извори, вели Би-би-си.
Информациите обезбедени од руската војска, телевизијата под контрола на Кремљ и државните претставници беа критикувани дека се неточни.
