„Тоа е парадокс, слушнете како тоа звучи: 500 милиони Европејци молат 300 милиони Американци да ги заштитат од 140 милиони Руси. Ако знаеш да броиш – сметај на себе!“, порача Туск.
Тој истакна дека Европа денес има „недостиг од фантазија и храброст“, иако располага со воена сила која ги надминува руските капацитети.
Polish PM Donald Tusk, speaking before his flight to London for the European Ukraine summit:
“500 million Europeans are asking 300 million Americans to defend them against 140 million Russians. […] Europe today lacks the belief that we are truly a global force.” pic.twitter.com/qevKZyyW8Q
— Anton Gerashchenko (@Gerashchenko_en) March 2, 2025
Полскиот премиер наведе и бројки:
Европа, вклучувајќи ја Украина, има 2,6 милиони војници, додека Русија има 1,1 милион
Европа има 2.091 борбен авион, а Русија 1.224
Европа располага со 14.400 артилериски системи, додека Русија има 5.157.
Туск истакна дека „Европа има потенцијал да биде голема сила“, но дека е „крајно време да се разбуди и сериозно да ја сфати одбраната“.
Тој оцени дека пораката е јасна – „целта мора да биде мир преку сила, а никако преку капитулација на Украина“.
