„Сè што ни треба е да ни се дозволи да продолжиме по патот што е важен кога станува збор за голема трансформација“, рече турскиот министер за финансии Мехмет Шимшек, пренесува Блумберг.
Тој додаде дека Анкара ја гледа Европската унија како „извор на инспирација за промени“.
„Тоа е најдобрата алтернатива што постои“, рече турскиот министер.
Тој изјави дека Турција имала „тешка деценија“ бидејќи „внатрешните и регионалните прашања, траумите и предизвиците застанале на патот“.
„Можеби скршнавме од патот“, рече Шимшек, велејќи дека Турција е посветена на економските и политичките реформи.
Европската унија и Турција ги започнаа пристапните преговори во 2005 година.
Иако процесот беше суспендиран, Турција остана клучен економски и одбранбен партнер за европскиот блок.
