петок, 23 февруари 2024

Турција: Исламската држава планира напади врз синагоги и цркви, приведовме 29 исламисти

Денеска Турција уапси 29 осомничени екстремисти на Исламската држава кои наводно планирале напади врз синагоги и цркви, објави министерот за внатрешни работи Али Јерликаја.

Фото: ЕПА

Објавено на

часот

Сподели

Припадници на разузнавачките и полициските сили претресувале адреси во девет провинции, вклучително и Истанбул и главниот град Анкара, рано во петокот за да ги уапсат осомничените, напиша Јерликаја на платформата Икс.

Полицијата во рациите конфискувала дигитални документи, јави државната новинска агенција Анадолу.

Полицијата, исто така, соопшти дека тројца осомничени високорангирани оперативци на Исламска држава се одделно уапсени за планирање напад врз ирачката амбасада.

Засега не се познати националноста на уапсените и деталите за наводните планови за нападот.

Самопрогласената Исламска држава ја презеде одговорноста за нападот во ноќниот клуб во Истанбул во 2017 година, во кој загинаа 39 лица на новогодишна забава. Оттогаш, Анкара рутински напаѓа осомничени од Исламската држава.

ТОП ВЕСТИ

ПОСЛЕДНИ ВЕСТИ