Турција го приведе Имамоглу, кој е главен ривал на претседателот Таип Ердоган, под обвинение за наводна корупција и поддршка на терористичка група, потег што главната опозициска партија го критикуваше како „обид за државен удар против следниот претседател“.
Турските власти идентификуваа 261 профил на социјалните мрежи, вклучително и 62 во странство, за „провокативни објави“ по приведувањето на Имамоглу и 106 осомничени, и продолжуваат со напорите за пронаоѓање на останатите осомничени, рече министерот за внатрешни работи Али Јерликаја на Икс.
İstanbul Cumhuriyet Başsavcılığınca başlatılan soruşturmalar kapsamında, İstanbul Büyükşehir Belediye Başkanı ile birlikte toplam 106 şüpheli hakkında gözaltı kararı verilmesi sonrası, bazı sosyal medya hesapları üzerinden;
-“Halkı Kin ve Düşmanlığa Tahrik” ve
-“Suç İşlemeye…— Ali Yerlikaya (@AliYerlikaya) March 20, 2025
Министерот рече дека на Икс биле споделени 18,6 милиони објави за Имамоглу за помалку од 24 часа по неговиот притвор.
Турција исто така заплени градежна компанија во косопственост на Имамоглу, соопшти канцеларијата на главниот јавен обвинител во Истанбул.
Во синоќешното соопштение обвинителството соопшти дека контролата врз компанијата на Имамоглу ја презел судот, врз основа на извештајот за истрагата за финансиски криминал.
Во Турција вчера избија протести поради приведувањето на градоначалникот на Истанбул и покрај забраните за јавни собири.
Bu Millet Büyüktür! pic.twitter.com/Pgxkty4uLK
— Ekrem İmamoğlu (@ekrem_imamoglu) March 19, 2025
Имамоглу е главниот предизвикувач на претседателот Ердоган на претседателските избори, а Републиканската народна партија (ЦХП) планираше да го прогласи за свој претседателски кандидат во недела.
Следните избори ќе се одржат во 2028 година, но ова е втор и законски последен мандат на Ердоган доколку не распише предвремени избори пред да му истече мандатот или не го промени Уставот.
Имамоглу, 54-годишниот лидер на најголемиот турски град, е пред Ердоган во некои анкети.
Укината е и универзитетската диплома на градоначалникот, која е предуслов за кандидатура за претседател според турскиот устав.
Партијата на Ердоган го претрпе најголемиот изборен пораз минатата година кога ЦХП на Имамоглу ги освои големите градови на локалните избори и ја порази владејачката партија во нејзините поранешни најцврсти упоришта.
