понеделник, 4 март 2024

Тунелите на Хамас во Појасот Газа се многу подолги од што било проценето

Должината на тунелите на Хамас во Појасот Газа е меѓу 560 и 700 километри, што е повеќе отколку што се проценуваше во Израел пред последната војна против палестинската исламистичка организација, пренесува Њујорк тајмс.

Епа

Објавено на

часот

Сподели

До декември, безбедносната институција веруваше дека тунелите се долги околу 400 километри.

Високи израелски разузнавачки функционери за американскиот весник изјавиле дека според последните проценки, врз основа на откриеното за време на војната, тунелите се подолги и имаат речиси 5.700 влезови во подземната мрежа.

Њујорк тајмс пишува дека израелските политичари и воените претставници, вклучително и американските, биле изненадени од обемот и длабочината на тунелската мрежа, имајќи предвид дека тесниот Појас Газа е долг само 40 километри.

Еден документ од 2022 година покажува дека Хамас инвестирал милиони долари во изградба на врати од тунели и ископувања само во областа Кан Јунис во јужниот дел на Газа. Тој тунел е долг 160 километри.

Експертот за војување во тунели, Дафне Ричемонт-Барак за Њујорк тајмс изјави дека Израел мора да ги уништи тунелите ако сака да го уништи Хамас.

Како што е наведено, постојат два вида тунели, едниот служи како штаб на Хамас и е подлабоко под земја, а другиот е за членовите на организацијата.

Првиот тип на тунел е направен за лидерите на Хамас да останат во нив долго време.

Израелските војници успеале да лоцираат куќи во Појасот Газа каде што се влезовите на тунелите за да можат да ги уништат.

Њујорк тајмс наведува дека должината на тунелот не е независно проверена и дека проценките на израелските власти се разликуваат бидејќи се засноваат на различни разузнавачки информации.

ТОП ВЕСТИ

ПОСЛЕДНИ ВЕСТИ