четврток, 13 јуни 2024

Трудо најави забрана за продажба на оружје

Објавено на

часот

Сподели

„На денот кога овој закон ќе стапи на сила, повеќе нема да може да се купува, продава, пренесува или увезува оружје во Канада“, изјави Трудо за новинарите.

Доколку биде усвоена, забраната се очекува да стапи на сила наесен. Канадскиот министер за јавна безбедност поднесе регулаторни измени до парламентот за да се обезбеди брза имплементација, се вели во соопштението на министерството.

Минатонеделното убиство на 19 деца и двајца учители во основно училиште во Тексас во Соединетите Држави ја зголеми загриженоста за оружено насилство ширум светот. Канада веќе има значително посилни ограничувања за поседување оружје од нејзиниот јужен сосед.

Новиот предлог-закон исто така предлага одземање на дозволите за огнено оружје за оние кои се вклучени во дела на семејно насилство или казнено вознемирување, како што е следењето.

Владата ќе бара и рамките за долги пушки трајно да бидат модифицирани за никогаш да не можат да содржат повеќе од пет куршуми и ќе забрани продажба и пренос на патрони со голем капацитет.

„Покрај употребата на огнено оружје за спортско гаѓање и лов, нема причина за некој во Канада да има потреба од оружје во секојдневниот живот“, рече Трудо.

ТОП ВЕСТИ

ПОСЛЕДНИ ВЕСТИ