петок, 14 јуни 2024

Трка со препреки во Леуново (ФОТО)

Објавено на

часот

Сподели

На трката присуствуваа повеќе од 250 натпреварувачи кои се соочија со тешки временски услови. Се трчаа 12 километри на дожд, ветер, грмотевици и град, а потоа сите натпреварувачи гордо зачекорија преку крајната цел, и успешно ја завршија претходно предвидената кружна шумска патека. Натпреварувачите се соочија со препреки од типот на: високи вертикални ѕидови, трчање преку гуми, искачување на јаже, носење товар по стрмнина, ползење по кал, како и фрлање копје.

„Да се организира ваква трка за прв пат во државата претставува огромна чест и задоволство за нас. Би сакале да се заблагодариме на сите натпреварувачи, Општина Маврово и Ростуше, како и сите спонзори и пријатели на трката и сите волонтери. Им честитаме на сите натпреварувачи за успешно завршување на трката“, изјавија организаторите од Регруп ДОО.

Во категорија жени најуспешни беа: Вера Урдаревска – MacedoniaOCR, Вики Ристоска – Fit Hub иСања Најдовски – TREX.

Во категорија мажи: Дејан Тодевски и Димитар Тодоровски –MacedoniaOCR и Александар Ѓорѓиевски – 091RUNCRW.

Во категорија тимови MacedoniaOCR, Alebras и DeltaTeam

Целта на трката беше да се подигне спортскиот и натпреварувачкиот дух во Македонија, како и да се промовираат македонските национални паркови и македонските природни ресурси. Оваа трка бара висока физичка и психичка подготвеност со цел успешно совладување на сите препреки за натпреварувачите да стигнат до целта. Организаторите на трката веќе најавија и подготовки на новата, втора трка од ваков карактер.

Трката ја подржаа Соко Горица ДООЕЛ – Вита-Го, ДУНА, Алгасан, Вода Ладна Екологистик сервис, Виталиа, ФруитЛенд, Фитнес Клуб Атлета и Скара Лесковац.

ТОП ВЕСТИ

ПОСЛЕДНИ ВЕСТИ