Републиканскиот кандидат за претседателските избори во ноември тоа го кажал вчера за време на состанок со функционери на својата партија на својот имот Мар а Лаго на Флорида, според аудиоснимка кој на американските медиуми им ја доставил донатор на кампањата. Соочен со четири посебни кривични постапки, Трамп повеќе пати го осуди „ловот на вештерки“. Тој тврди дека сè е смислено од владата на демократите за да го елиминира од претседателската трка.
Пред публиката составена од републикански функционери и донатори, тој ги обвинил демократите дека „ја водат администрацијата слично на Гестапо“, и уште еднаш ги навредувал обвинителите кои ги истражуваат случаите против него, според коментарите на кои се повикуваат медиумите.
Изборниот штаб на Џо Бајден одговори со соопштение, кажувајќи дека говорите на поранешниот американски претседател само потврдиле дека „кампањата на Трамп се врти само околу него, неговиот гнев, неговата одмазда и неговите лаги“.