Водителката на Фокс, Марија Бартиромо го праша Трамп: „Дали сте задоволни со фактот дека се повлековте, а Украина можеби нема да преживее?“
„Па, тие и онака можеби нема да преживеат. Таа војна немаше да се случи ако јас бев претседател“, рече Трамп.
„Бајден ме остави со отворени граници низ кои поминааа 21 милион луѓе, од кои многумина не треба да се тука. Многумина се криминалци, убијци, дилери на дрога, нарко босови. Ја имаме целата оваа збрка со Израел и нападот на 7 октомври, како и сите последици од најлошото и најглупавото повлекување во историјата“, додаде тој.
🇺🇸🇺🇦- Fox’s Maria Bartiromo: ‘Are you comfortable with fact that you walked away and Ukraine may not survive?’
Trump: Well, it may not survive anyway pic.twitter.com/58cS42QWr8
— IL Libanese (@Dal_Libano) March 9, 2025
САД утре ќе се сретнат со украинска делегација во Саудиска Арабија за да утврдат дали Украина е подготвена да направи материјални отстапки за Русија за да ја прекине војната, изјавија двајца официјални лица.
Членовите на американската делегација се заинтересирани и за тоа дали Украинците навистина сакаат подобрување на односите со Трамповата администрација, изјавија двајца официјални лица за Ројтерс под услов да останат анонимни, по неодамнешната средба меѓу американскиот и украинскиот претседател во Белата куќа, која брзо се претвори во кавга пред камерите.
