Трамп би можел да ја избере Хејли доколку се покаже дека може да му помогне да ја освои претседателската функција, да избегне потенцијалнa затворска казна и да покрие десетици милиони правни сметки доколку ги загуби судските случаи, се наведува во извештајот, пренесува Ројтерс.
Хејли, поранешна гувернерка на Јужна Каролина и поранешна амбасадорка на САД во Обединетите нации, се повлече од трката за републиканска претседателска номинација во март поради убедливото лидерство на Трамп.
Хејли изјави дека е веројатно Трамп, кој постојано ја омаловажуваше нејзината кандидатура, да биде републикански кандидат, но таа не го поддржа.