„Ве молам, објаснете му на канадскиот гувернер Трудо дека кога ќе воведе контратарифи на САД, нашите тарифи веднаш ќе се зголемат за истиот износ!“ порача Трамп на својата мрежа Трут соушл.
Трамп постојано го нарекува Трудо „гувернер“, што е во согласност со неговите напори да ја направи Канада 51 американска држава.
На полноќ во Вашингтон, стапија на сила Трамповите долгонајавувани царини од 25 отсто за Канада и Мексико, со нова царина од 10 отсто за Кина. Трудо одржа конференција во текот на денот на која потврди дека канадските контратарифи исто така стапиле на сила паралелно со американските царини.
„Канада ќе воведе царини од 25 отсто за американски стоки во вредност од 155 милијарди долари, почнувајќи со царини за стоки во вредност од 30 милијарди долари веднаш и царини за преостанатите стоки во вредност од 125 милијарди долари за 21 ден“, рече Трудо.
