вторник, 5 март 2024

Трамп: Нашата земја оди по ѓаволите, не мислев дека вакво нешто може да се случи во Америка (ВИДЕО)

Објавено на

часот

Сподели

„Никогаш не мислев дека нешто вакво може да се случи во Америка. Единственото злосторство што го направив е бестрашно да ја бранам нашата нација од оние што сакаат да ја уништат“, им рече Трамп на приврзаниците собрани во неговиот дом во Мар-а-Лаго во Палм Бич во Флорида.

Претходно, Трамп пред судот на Менхетн во Њујорк се изјасни за невин по 34 точки од обвинението за фалсификување деловни записи, откако обвинителите го обвинија дека договарал исплати на две жени пред изборите во 2016 година за да спречи јавноста да дознае за нивните сексуални односи со него.

Трамп, кој се кандидира за републиканска претседателска номинација во 2024 година, одржа релативно краток говор на Флорида во вторникот вечерта, 25 минути, во споредба со неговите митинзи, кои понекогаш може да траат и до два часа, според Ројтерс.

Во своето прво јавно обраќање откако пред судот во Њујорк се изјасни за невин по 34 точки од обвинението за фалсификување деловни записи, покренато по истрагата за тајни пари исплатени на порноѕвезда, тој рече дека „нашата земја оди по ѓаволите“.

„Ова е навреда за нашата земја бидејќи светот веќе ни се смее“, рече Трамп.

Говорејќи пред приврзаниците на својот имот во Мар-а-Лаго на Флорида, Трамп цитираше неименувани аналитичари што рекле дека нема силни докази против него.

„Секој поединец и правен аналитичар рече дека тука нема случај“, рече Трамп.

Тој рече дека при обвинението адвокатите му рекле „нема ништо, не кажуваат ни што сте направиле“.

РСЕ вели дека можеби најголемиот удар за Трамп во сето ова е што обвинувањата дошле во Њујорк, градот што тој помогнал да се изгради и што го изградил.

„Еве нѐ тука, во градот што беше толку милостив пред четири или пет години“, рече тој.

Трамп (76) навлезе длабоко во својот извор на лични поплаки за да изјави дека е прогонуван од политичките противници, кои го користат правниот систем против него за да се обидат да го спречат да ја врати Белата куќа во 2024 година, објави Ројтерс.

Трамп го обвини окружниот обвинител на Менхетн Брег дека сакал да го фати „пред да дознае што било за мене“.

Тој рече дека судијата во случајот, Хуан Мерчан, е „судија што го мрази Трамп“.

Но тој не понуди никаков доказ за да го поддржи своето тврдење дека тие ги презеле своите активности за да ја поткопаат неговата трка за Белата куќа.

ТОП ВЕСТИ

ПОСЛЕДНИ ВЕСТИ