„Во моментов се водат преговори за договор, конкретно за поделба на териториите. Се преговара токму сега, додека ние разговараме тука“, кажа Трамп, кој минатата недела разговараше со рускиот претседател Владимир Путин и со украинскиот претседател Володимир Зеленски.
На прашањето на новинарите дали Соединетите Американски Држави ќе ѝ воведат санкции на Русија поради продолжувањето на нападите на Украина, Трамп одговори: „Па тие меѓусебно се борат“.
Reporter: Russia continues to attack Ukraine, are you planning to impose sanctions?
Trump: Well, they’re fighting against each other.
Russian asset.
pic.twitter.com/kFsrV7C5eC— Republicans against Trump (@RpsAgainstTrump) March 21, 2025
Преговорите за примирје кои ги предводат САД и претседателот Трамп се интензивираа во последните недели, со обиди за дефинирање на јасни територијални граници кои би ги задоволиле двете страни. Сепак, тие преговори предизвикаа значителни контроверзии бидејќи се отстапување од досегашната американска политика на целосна поддршка на украинскиот територијален интегритет.
Администрацијата на Трамп е соочена со голем притисок од западните земји поради можноста за територијални отстапки на Русија. Киев инсистира на целосно враќање на териториите анектирани од Русија, додека Кремљ смета дека постоечките предлози не се доволни.
Асошиејтед прес јавува дека Европската Унија, иако ги поздравува напорите за прекин на конфликтите, изразува загриженост поради можниот преседан кој би можела да го создаде евентуалната поделба на Украина, истакнувајќи ја потребата за зачувување на територијалниот интегритет на Украина.
