Трамп ова го кажа за Си-ен-ен.
Ројтерс пренесува дека новинарот на Си-ен-ен на социјалната мрежа Икс рекол дека Трамп ги дал коментарите на мрежата веднаш откако Бајден ја објавил својата одлука да се повлече од трката за уште еден претседателски мандат.
Бајден денеска објави дека се повлекува, а набргу потоа ја поддржа Харис да го замени во претседателската трка.
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
Претседателските избори во САД ќе се одржат на 5 ноември.
Трамп, исто така, на својата платформа Трут соушл денеска рече дека Бајден „не беше способен да се кандидира за претседател, и сигурно не е способен да служи“, пренесува Ројтерс.
Други важни републиканци, вклучувајќи го и претседателот на Претставничкиот дом, Мајк Џонсон, исто така рекоа дека Бајден не е способен да ја извршува функцијата претседател и да го доврши својот мандат доколку се повлече како демократски претседателски кандидат.
Џонсон директно го повика Бајден да поднесе оставка.
Трамп, во објава на Трут соушл, рече: „Многу ќе страдаме поради неговото (Бајденовото) претседателствување, но многу брзо ќе ја поправиме штетата што тој ја направи“.