Трамп освои 54,5 отсто од гласовите, со што освои 11 електори, додека Хејли освои 43,6 отсто од гласовите и освои осум електори, врз основа на речиси 90 отсто од обработените гласачки ливчиња, пренесува Гардијан.
Ваквиот исход од прелиминарните избори во Њу Хемпшир, по победата во пратеничката група во Ајова минатата недела, сугерира дека Трамп по трет пат ќе биде кандидат на Републиканската партија на претседателските избори и дека најверојатно во ноември по втор пат ќе се соочи со претседателот на САД и најверојатниот кандидат на Демократската партија Џозеф Бајден.
Трамп им се обрати на своите поддржувачи во Нашуа, зборувајќи и за резултатите на Ники Хејли.
„Таа не победи, таа загуби. Таа имаше многу лоша вечер. Таа беше трета во Ајова и сè уште се мота наоколу“, рече Трамп.
Од друга страна, Хејли рече дека и покрај поразот во Њу Хемпшир, ќе продолжи со кампањата за следните прелиминарни избори на Републиканската партија, кои се одржуваат во Јужна Каролина, државата во која таа беше гувернер.
„Приминалните избори во Њу Хемпшир беа први во земјата, но не се последни. Трката е далеку од завршена. Остануваат уште десетици држави, а на ред е мојата Јужна Каролина“, рече Хејли, оценувајќи дека „хаосот на Џозеф Бајден“ не може да се поправи со „републикански хаос“.
Анкетите покажуваат дека Трамп има значително водство во Јужна Каролина.
Гардијан потсетува дека Ники Хејли останува последната противкандидатка на Трамп за републиканската номинација, откако гувернерот на Флорида Рон Де Сантис се повлече од изборната трка.
