четврток, 23 мај 2024
Парламентарни избори 2024

Трајанов: Коалицијата на ВМРО-ДПМНЕ ќе обезбеди 63 – 64 пратеници

Претседателот на Демократски сојуз, Павле Трајанов најави дека коалицијата на ВМРО-ДПМНЕ, на која од неодамна припаѓа и неговата партија, наскоро ќе обезбеди вкупно 63-64 пратеници. Тој не откри  кои новоизбрани пратеници смета ВМРО-ДПМНЕ.

Објавено на

часот

Сподели

Во гостување на ТВ24, Трајанов нагласи дека зборува за бројки без да ја има предвид бројноста на идната пратеничка група на коалицијата Вреди.

На извесен начин, лидерот на Демократски сојуз наговести дека зборува „премин“ на идни пратеници од „помалите партии кои порано, но и сега се дел од коалицијата предводена од СДСМ.

Според него, вака широко организиран фронт на ВМРО-ДПМНЕ му е потребен за да се изгласаат измени на Законот за Влада со цел да се дојде до реализација на изборните ветувања за нова структура на Владата со нови ресори или со укинување и прегрупирање на некои од нив, како и на многу агенции.

Во контекст на свечената заклетва на претседателката Силјановска Давкова, Трајанов рече дека очекува набрзо да се стиша галамата. Тој рече дека секако мора да се почитуват меѓународните договори но и да се покаже поголем сенс за нашите идентитетски одредби и потреби од страна на соседите Грција, Бугарија, а потоа и од САД и ЕУ.

ТОП ВЕСТИ

ПОСЛЕДНИ ВЕСТИ