вторник, 16 април 2024

Тошковски: И премиерот може да згреши, ама очекував Џафери да се извини

Секој може да згреши, и премиерот може да згреши, ама очекував да се извини ако ништо друго. Да излезе наредниот ден и да каже, луѓе се извинувам ова што го направив е многу голем фаул, навистина не доликува на еден премиер така да се однесува со вработени во Министерство за внатрешни (МВР), вели министерот за внатрешни работи Панче Тошковски, за ненајавената посета на премиерот Талат Џафери на СВР Тетово.

Објавено на

часот

Сподели

Жално е, нагласува Тошковски, граѓаните да се сведоци на едно такво девијантно однесување и посочува дека, Џафрери требало да се извини.

„Жално е, жално е, граѓаните да се сведоци на едно такво девијантно однесување, така јас би го нарекол. Техничкиот премиер сигурен сум дека не знаел која е госпоѓата. Од кај ќе знае? И јас не знаев. Кога го гледав она срамното видео и јас не знаев која е госпоѓата. Но, требаше да има доблест и да излезе пред македонскиот народ, пред македонските граѓани, особено пред колегите во министерството. Верувајте ми не знаете колку осуди имав тој ден лично до мене од аспект на односот на техничкиот премиер и да каже, луѓе извинете згрешив. Барем тоа можеше да го направи“, вели Тошковски во интервју за МИА.

Техничката Влада, според Тошковски, функционира катастрофално.

„Oсновните законски обврски кои што треба да ги почитува, не ги почитува и притоа манипулира“, вели Тошковски.

 

ТОП ВЕСТИ

ПОСЛЕДНИ ВЕСТИ